為怎樣全然不知
女性心情
見面你就來罵阮
做人無正經
心愛的愛分明
一切為你來犧牲
阮猶原 阮猶原
阮猶原等你返來
快樂過一生
那通放阮 徘徊著
哀愁的風雨橋

懷抱著悲情苦悶
離開伊身邊
自暴自棄的女性
找著燒酒味
心愛的，阮不信
你會辜負阮情意
枉費阮，枉費阮
枉費阮滿腹期待
愈想愈悲哀
無聊又來 懷念著
哀愁的風雨橋

有誰人瞭解著阮
滿腹的悲哀
自嘆自恨傷心淚
一直流出來
心愛的，緊返來
何必對阮氣猜猜
你全無，你全無
你全無體貼女性
實在不應該
又來迫阮 徘徊著
哀愁的風雨橋。