ꆀꃅꌺꄿ
ꑲꋦꌣꈚꏾ；ꂽꄓꌳꈄꏾ；ꌩꒆꉀꒆꏾ；ꌟꃅꃪꌠꃅ。
ꆀꃅꌺꄿꑠꂷ
ꎵꃀꌊꉔꄉꍔꅝꇈ
ꃬꃹꂷꀄꃹꑐꌊ
ꎆꃷꅈꉜꄉꀒꀥꑟ
ꁧꐙꑌꑿꌊꁈꀋꄻꃅ
ꉷꃅꎆꎹꁧꂯꌭꀋꄐ
ꆀꃅꌺꄿꑠꂷꑌ
ꎆꎹꎆꐛꉆꎼꈀ
ꃅꑆꉇꄅꅉꁮꀋꆳꀀꅈꇬ
ꂷꇭꃅꏸꋥꅉꇬ
ꋧꃅꈨꏀꋍꇬꇁꌊꆀꃅꉼꏒꀕ
ꅇꈨꉌꌤꋍꇬꉬꎼꈀ
ꆀꃅꌺꄿꑠꂷ
ꉷꃅꎆꎹꎆꐊꁧꅊꇈ
ꆀꃄꌺꄿꑠꂷꑌ
ꆿꍯꌊꁈꈁꅗꄻꈭꐨ
ꃮꆪꐻꒉꋍꍔꌟꃅꈺꍠꀕ
ꆀꃄꌺꄿꑠꂷꑌ
ꆺꑳꏂꃴꑓꁴꋍꄡꅐꇁꂯ
ꀗꀘꑊꀕꆐꀋꉬꅊꇈ
ꆀꃅꌺꄿꑠꂷ
ꅽꌺꍷꆏꐤꎭꏿꏭꐛ
ꅽꑮꌞꑮꐛꁧꋭ
ꅽꎆꌠꌬꁦꈜꁮ
ꆿꆪꏮꁦꏁꄮꆏ
ꆀꃄꌺꄿꑠꂷ
ꃌꐊꌺꐊꋬꂻꈎꏅꇬ
ꏂꅪꈬꏣꁌꏭꐛ
ꆀꃄꌺꄿꇆ
ꌺꉙꇖꂘ
ꆀꅇꂷꋶꒉꑵꄸ
ꎆꎹꀊꌳꄈꑌꍑ
ꌧꇐꌟꌷꉆ
ꎆꎹꎆꊌꎆꊭꄎꌠꐥ
ꆀꃄꌺꄿ
ꅽꁍꅽꀿ
ꆎꀨꎹꆽꃴꈀꎭꀕꄉꌠ
ꁧꄩꌨꏾꏁꇰꃲ
ꇉꅶꂸꃃꆴꅈꊯꅉꃅ
ꆀꃄꌺꄿ
ꆎꑌꇯꂷꅀ
ꅽꋚꆏꋠꉘꁇꁉ
ꅽꃢꆏꈚꊷꆣꀕ
ꅽꏣꅽꑟꉌꑟꉁꄲꀕ
ꆀꃄꌺꄿꇆ
ꊿꐥꋍꍂꌠ
ꑞꂄꑞꄸꆏꐙꐚ
ꅽꎆꆏꎹꈀꄸꁵ
ꅽꆀꌺꑭꐨꉪꅲꇢꈺꍠꀕ
ꑝꅇꑤꀈꎵꉐꋒꁱ