La luna nova 'ncopp'a lu mare
Stenne 'na fascia d'argiento fino.
Dint'a la varca lu marenaro
Quase s'addorme cu 'a rezza 'nzino.
Nun durmì, scetate, oje marenà,
Votta 'sta rezza, penza a vucà!
Dorme e suspira 'stu marenaro,
Se sta sunnanno la 'nnammurata.
Zitto e cujeto se sta lu mare,
Pure la luna se nc'è 'ncantata.
Luna d'argiento, lass' 'o sunnà,
Vasalo 'nfronte, nun 'o scetà!
Luna d'argiento, lass' 'o sunná,
Vásalo 'nfronte, nun 'o scetá.
Comm'a 'nu suonno de marenare,
Tu duorme, Napule, viata a te!
Duorme ma, 'nzuonno, llacreme amare,
Tu chiagne, Napule, scetate, scè!
Puozze 'na vota resuscità.
Scetate, scè, Napule, Nà!
Puozze 'na vota resuscità.
Scetate, scè, Napule, Nà!
Puozze 'na vota resuscità.
Scetate, scè, Napule, Nà!