Bikhre toote tukde saare jud rahe hain dheere dheere
Haule hauley ...
Betuke se sur woh saare mill rahe hai dheere dheere
Haule Haule...
Aaine ka dhundhla chehra khil raha hai dheere dheere
Haule Haule...

Nanhi si ik jaan ne apna bachpan khoya
Khauf ki maili chaadar odh ke soya
Bebas akela, Bezubaan chupchaap roya
Barso se ye behte aansu tham rahe hain dheere dheere
Haule Haule...
Khul rahi aankhein jo ab tak num rahi hai dheere dheere
Haule Haule...
Aaine ka dhundhla chehra khil raha hai dheere dheere
Haule Haule...

Chura ke khud se aankhein main har pal jiya
Zeher jo usne ghola maine woh piya
Chuppi ke aad mein chhipkar usne jurm kiya
Zubaan par laga woh taala khul raha hai dheere
Haule Haule...
Meri nahi koi khata, ye pata chala hai dheere
Haule Haule....
Aaine ka dhundhla chehra khil raha hai dheere dheere
Haule Haule....