作词 : 卢国沾
怀孕数月，天天肚大，然后买定新孭带，
 床又买定，毡都买定，鞋袜衫仔要预埋。 
 捱十个月，出咗世后，然后重量添得快，
 然后上学，俾书佢读，惩罚抄书你做埋。
 最怕佢似只蠢猪，唉，执金都执输晒，
 也怕佢太过精叻，黐筋都黐得快，生女育儿，迟早一身债。
 
 儿大女大担心佢坏，人若变坏好鬼快，
 人若变坏家都去败，然后双亲都注定捱。
 你教养佢有天职，佢好比啲冤鬼追债，
 你教到佢会高飞，佢呼一声飞走晒，生女育儿，就注定系捱。
 生女育儿，迟早一身债，生女育儿，就注定系捱……