牡丹亭惊梦 3(魂游、拾画) 任剑辉
 
 夢梅白:) 頭先呀老先生佢話, 叫我神心啲拜吓東鱷夫人喎, 好等我都上前燒一注清香至得,
 
 夢梅唱) 燒香冷月中, 怯陰風摇弱柳, 好似鬼影憧憧, 哎吔, 仙閣今晚緣何陰陰凍呀, 睇下臘燭亂搖紅, 似有神女, 靈閣夜鳴鐘, 鐵馬高掛, 遊池聲聲播, 拜完菩薩淚盈胸, 怯陰風其人自各 不相容, 
 
 夢梅白:) 點解忽然一陣...嘩..有一陣碎花凌空而下, 邊樹嚟呢吓, 無花架, 哎吔, 頭先老先生佢叫我唔好亂行架, 陰風陣陣, 唔通呢度有鬼嘅, 唔喺掛, 咪個自已嚇自已得架, 不過奇怪噃, 呢啲花從何而來呢吓,哎吔, 睇吓有一軸畫卷, 唔使問呢個一定係觀音像, 等我帶歸南樓參拜至得. 
 
 夢梅唱) 誰在靈堂藏畫卷, 待吾燈下看真容. 
 
 夢梅白:) 桃花奄觀湧雲霞, 芍藥煙籠太守家, 是誰檀匣藏小軸，夜雨挑燈細看查, 我客館蕭條，偶遊庵觀，拾來一軸小畫，似是觀音大士，寶匣莊嚴，待我合什挑燈，案前瞻禮至得. 
 夢梅白:) 唉呀, 哦, 呀又不似觀音, 又不似嫦娥, 卻是似曾想識, 一位名門佳麗, 呀, 喺邊處見過佢呢吓, 奇啦. 
 
 夢梅唱) 不似是觀音, 觀音有座蓮花襯, 若是莊嚴大士, 焉有雲髻堆鴉, 又不似是嫦娥, 嫦娥應有祥雲鎖, 若是被貶凡塵, 應有彩虹高駕. 待我燈下看丹青, 拭目重新認, 我不是重來崔護, 何以人面呀, 似桃花, 飄零客是柳夢梅, 呀, 畫中人似曾相會, 何以佢手上有青梅, 我夢中長鰥寡. 
 
 夢梅白:) 呀, 呢幅丹青畫, 睇真下, 原來就喺我個夢中人嚟喎, 哎吔. 
 
 夢梅唱) 此畫原無價, 還似月籠紗, 奇逢心驚詫, 睇佢意態殊文雅, 待我挑燈看真她, 我看真她, 要看真她, 卻有蠅頭詩待查. 佢畫法傲崔徵, 筆雅如蘇蕙, 衛夫人美女簪花, 是一首宋元詞, 還是晉唐詩呢, 是白頭吟, 還是痴心話.
 
 夢梅詩白:) 近睹分明似儼然, 遠觀自在若飛仙, 他年得傍蟾宮客, 不在梅邊在柳邊. 
 
 夢梅唱) 此句奈人參, 嗟莫是梅和柳, 有多少籐葛, 交加, 若說沒奇緣, 誰渡我芍藥欄邊, 湖山石下, 緣若証前生, 何似纖娥留倩影. 害得我紙上, 醉風華, 恨不能抱影而眠, 我移向錦屏低掛. 
 
 夢梅白:) 呀, 我呢個夢中人, 我相信都幾難見得到佢面, 但係有幸比我見到佢嘅丹青畫, 哦, 我能不酬詩嚟奇意呢, 好. 
 夢梅詩白:) 丹青妙處卻天然, 不是天仙即地仙, 欲傍蟾宮人近遠, 恰比春在柳梅邊. 
 
 夢梅唱) 呀, 畫中人, 似對我微含笑, 惱煞無端風起亂燈花, 叫一句畫裏真真, 哦, 一念到佢無姓無名, 聲暗啞. 
 
 夢梅白:) 吓, 佢又無姓無名, 我都不知如何呼喚噃, 倒不如就叫聲姐姐罷啦, 姐姐呀, 姐姐, 為使芳魂能入夢, 何妨半啟紗窗去夢她.